技擊武術

2019年10月21日星期一

今年係好大突破，我參加左一個拳擊館內賽。以前我一路都無打比賽，因為好怕要出賽果種辛苦，同埋要減磅。但係今年我俾左個目標自己，就係要克服困難。完成左個賽事，係我人生中都記下左一個印記，非常值得。

原來我既技術都仲有既，只係無體能同抗打，今次既比賽一定要記錄下來！

練耐左拳，啲基本野學野，然後又無報比賽。搞到練拳無咩目標，到最後只要練得辛苦小小都想放棄。

依每問題唔難解決。

只要訂一個目標俾自己就可以。不過暫時都未有訂目標，因為練拳而家係我既人生目標算係低。

不過我心中係想學渣靶既，要搵時間研究下。

師兄弟係荃灣開左館，唔知成本高不高，不過見到佢開館都開心！

或者第日有機會上去實習下渣靶！

睇下幾時上去參觀下先。

講番自己最近既狀況。

話說離開鐵虎之後，轉左另一間館，練到今時今日。
都好耐了！

依一年，我突破左好多野，參加左兩場BOXING既館內賽，係呀蛇幫我地穿既比賽。
第一場打得比較差，因為操唔足。第二場就打得好好多。
遲下再將相關既相放上黎。

而家我既目標係做教練。
我報左個體適能班，希望個考試會合格啦！
暫時我對渣靶既套路唔係好熟，要放多啲時間去諗下點樣渣個靶先好。

另外，我而家跑多左步，希望啲氣會好啲啦！

唔知點解今日又係好攰，直頭靶都唔敢上去打，因為一定發揮唔到，上去捱既話我寧願唔打啦。

今日又餓，十二點九到食飯，去到五點鐘已經好餓，餓到無乜力果種。加埋又有啲眼瞓，所以無乜力無乜心機去操。上幾次都唔係咁，我記得之前係收A或者放假去操，好有狀態。但係收早去操真係好辛苦。

係咪年紀大左，操拳又無乜目標，所以變成咁呢？

大約十三歲，因為睇左李小龍既電影發覺好勁，所以去搵李小龍電影入面所展路既係甚麼功夫，最後發現原來係截拳道。

跟住買左好多截拳道功夫書黎自學，又上網功夫論壇睇，好多人都建議學截拳道不如學詠春，所以就上網問人屯門邊度有詠春學。原來良景有詠春班，我跟既第一個師傅就係梁挺系既。到依家都有好多人講邊系打得邊系唔打得，其實無意義，打唔打得係睇個人既修維。

無可否認，梁挺系係教得有系統，起馬我當時白紙一張都覺得教得幾易明，一個星期一堂每當個半鐘，都學左三年幾。雖然而字無練詠春好耐，但當時學一招半式依然記得，入左腦。到左會考就停左無練，其間都繼續有留意功夫同出席網聚。

無練詠春果段時期，去左安定跟一個興趣班練廿四式簡化太極拳，果班師傅係內家拳師傅，唔收錢教我。而我都唔怕辛苦個個星期日都九點到安定練，練到十二點。學完廿四式，就教我八十八式楊式太極拳。其實內家拳既慨念都幾抽象，好多要求意識上既修練，所以好難應用。

當時其他師傅都有教小小形意拳和八卦掌也有站樁給我，那個時候是我涉獵內家拳知識最多的時候。師傅們都巿示範內家勁力給我看，真的會彈開。所以我現在都認為內家拳是有勁力的，但是未感受過的人會覺得天方夜談，我會同意這想法的。

到我讀IVE時，我又重新去學詠春，不過轉左師傅，今次係葉準系。同梁挺系好唔同，感覺無咁柔。一直學到讀HD year1，係幾年既學拳時間入面，詠春拳藝進步左多，玩到木人樁同標指。但練到一樽頸位就進步唔到，然後又停。停學其間又去左鄭子平果度學，佢教既野更實戰。

不